粉紅桔梗

法文洗碗工 

法文洗碗工 - 洗碗要識法文 勞處搞錯

▼影片: 法文洗碗工

法餐廳請人廣告 網民鬧爆

▲圖：法文洗碗工

勞工處最近有個招聘廣告迅速喺facebook熱傳，由銅鑼灣一間法國餐廳發出，話想請兩個識中、英、法文3種語言嘅洗碗工，每日工時11個鐘，月薪8000至9000元。好多網民睇到後鬧爆，話識法文使咩去洗碗，但原來呢件事係勞工處擺咗烏龍。

簡單英法文識一樣就得

有份負責招聘嘅呢間餐廳秘書董小姐同Emily呻，話件事係一場誤會。佢話，嗰日落廣告嘅係老細，但佢完全唔識中文，於是用英文寫職位條件。原本係想請識簡單英文或法文其中一樣就得，而且返工時間雖然係朝12晚11，但餐廳唔做午市，下晝3至7點員工唔使返，所謂洗碗都只係將碗碟送入機器去洗。

▲圖：法文洗碗工 秘書接百整蠱電話

董小姐話，勞工處翻譯時，將佢老細意思完全搞錯，但佢無諗過呢件事引起咁大迴響，淨係董小姐手機呢幾日都接到超過100個整蠱電話，甚至三更半夜都有人打嚟，用中、英、法文鬧佢哋無良；更有人喺中國內地打長途嚟鬧佢。

佢覺得好無辜，噚日勞工處已經打咗3次電話畀佢say sorry，並且刪除舊廣告。唯一安慰嘅係，呢件事令餐廳嘅知名度增加，而且至今有10幾人應徵，佢哋主要識得英文。

勞工處話，了解事件後證實係人為出錯，將英文譯做中文時打錯字，佢哋話會加強訓練，要求前線員工睇清楚意思，先至好落廣告出街。                

keyword: 法文洗碗工    http://news.sina.com.hk/news/2/1/1/2676795/1.html